पुन्हा परिचय

आपल्या व्यक्तिमत्त्वातल्या ‘अपडेट’सोबत ब्लॉगवरचा आपला परिचयही ‘अपडेट’ केला पाहिजे, नाही का? त्यामुळे माझा परिचय पुन्हा नव्याने-

नमस्कार,

मी अर्चना. पाच वर्षांपूर्वी हा ब्लॉग सुरू केला तेव्हा विद्यार्थिनी होते, आता पोटार्थिनी झाले आहे. भाषाविषयक संशोधन आणि भाषांतर ही माझी अर्थार्जनाची साधने. शिवाय छंद म्हणून अशी काही कामे विनामोबदलाही करत असते. फावल्या वेळात पुस्तके वाचण्याचे आणि सिनेमे पाहण्याचे मला व्यसन आहे. भाषांवर (सर्व) अतोनात प्रेम आहे.

या ब्लॉगवर मी विद्यार्थीदशेत असताना लिहिलेले थोडे-फार अभ्यासपूर्ण लेख आहेत. आता तसा अभ्यास करायला वेळ मिळत नाही. त्यामुळे नुसतेच मनात आलेले विचार, कल्पना, नवीन घडलेले किस्से अशा स्वरुपाच्या पोस्ट्स आता या ब्लॉगवर तुम्हाला वाचायला मिळतील.

तुम्हाला हा ब्लॉग आवडेल अशी आशा आहे.

-अर्चना आंबेरकर