चंद्रकोर-२

त्या पुस्तकातल्या माझ्या सर्वांत आवडत्या लेखाचा स्वैर अनुवाद करण्याचा प्रयत्न-

 

फुलांची शाळा

 

ए आई, तुला माहित आहे का, ते काळेकुट्ट ढगोबा जेह्वा आकाशात गडगडू लागतात आणि मग पहिला पाऊस खाली येतो ना, तेव्हा वेडं वारं वेळूच्या बेटात शिरतं आणि बांबूच्या आडून शीळ घालू लागतं.

 

आणि मग अचानक, कुठून कुणास ठाऊक, पण भरपूर फुलं बाहेर येतात आणि गवतावर मजेत नाचू लागतात, दंगामस्ती करू लागतात.

 

आई, मी सांगतो तुला, ही फुलं किनई जमिनीखालच्या शाळेत जातात. दरवाजे गच्च बंद करून घेऊन ती फुलं तिथे अभ्यास करतात. आणि जर सुट्टी होण्यापूर्वीच त्यांनी बाहेर यायची धडपड केली, तर त्यांचे मास्तर त्यांना कोपऱ्यात उभं करतात.

 

पाऊस पडल्यावर मात्र त्यांना सुट्टी मिळते. सू सू पळणाऱ्या वाऱ्यामुळे झाडांच्या फांद्या एकमेकांवर आपटतात आणि पानं सळसळू लागतात, मग ढगोबा आपल्या भल्यामोठ्ठ्या हातांनी टाळ्या वाजवतात आणि तेव्हाच ती चिंटीपिंटी फुलं आपले गुलाबी, पिवळे, पांढरे कपडे घालून बाहेर धावतात.

तुला माहित आहे का गं आई, त्या फुलांचं घर किनई ते तारे जिथे राहतात ना, त्या आकाशात आहे. तू पाहिलं नाहीस का, ती फुलं तिथं पोचायला किती अधीर असतात ते? तुला माहित नाही का, ती इतकी घाईत का असतात?

अर्थात, मला माहित आहे, ते कुणाकडे पाहून आपले हात उंचावतात ते. मला वाटतं, त्यांची एक आई असावी, अगदी माझ्या आईसारखी!

Advertisements

2 प्रतिक्रिया (+add yours?)

  1. hemant_surat
    नोव्हेंबर 24, 2006 @ 12:58:32

    carry on archana without any restrictions. We are here to cheer you up and enjoy tagorism

    उत्तर

  2. Abhijeet Kulkarni
    नोव्हेंबर 24, 2006 @ 15:04:18

    very nice translation.. in a very lucid language. 🙂

    keep posting, & thanks for sharing.

    उत्तर

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदला )

Twitter picture

You are commenting using your Twitter account. Log Out / बदला )

Facebook photo

You are commenting using your Facebook account. Log Out / बदला )

Google+ photo

You are commenting using your Google+ account. Log Out / बदला )

Connecting to %s

%d bloggers like this: